Tofauti kati ya wanaume na wanawake ni hasara kwa bara Afrika

                     Helen Clark wa UN

Umoja wa Mataifa unasema, nchi za Afrika Kusini ya Sahara, zinapata hasara ya dola kama bilioni 95 kila mwaka, kwa sababu ya tafauti baina ya wanaume na wanawake.

Mkuu wa Shirika la Maendeleo la Umoja wa Mataifa, Helen Clark, anasema katika sehemu nyingi za Afrika, wanawake wanapata tabu kukopa fedha, kwa sababu hawana ardhi ya kuweka dhamana.
Hii inamaanisha hawawezi kununua mbegu nzuri na mbolea, na kwa hivyo hawawezi kuzalisha mazao kwa wingi.
Bi Clark anasema, tofauti zikiondolewa, basi uchumi wa Afrika utakuwa kwa kiwango kikubwa zaidi.

Zanzibar yaaga kishujaa – Mashindano ya Chalenji

Awassa. Ethiopia. Zanzibar Heroes ikiwa katika ubora wake ilikumbuka shuka kukiwa kumekucha baada ya kuikamua Harambee Stars ya Kenya kwa mabao 3-1 katika pambano la kukamilishia ratiba la Kombe la Chalenji.
Wakati Zanzibar Heroes wakikamilisha ratiba kwa ushindi huo mnono, ndugu zao, Kilimanjaro Stars leo wataikabili Ethiopia katika mchezo ambao ni kama wa kukamilisha ratiba kwani tayari Kili Stars imefuzu hatua ya robo fainali.
Kiwango walichokionyesha Zanzibar jana ni tofauti na michezo yao miwili iliyopita dhidi ya Burundi na Uganda, ingawa ni kudra za Mwenyezi Mungu ndizo zitawavusha na kucheza robo fainali kama mshindwa bora (best loser) wakitegemea matokeo baina ya Uganda na Burundi zitakazocheza leo.
Hata hivyo, kocha mkuu wa Zanzibar Heroes, Hemed Morocco alisema ni kama hawana nafasi tena katika mashindano hayo, lakini amewapongeza wachezaji wake kwa kutolewa mashindanoni kishujaa baada ya kupata ushindi mkubwa.
“Ingawa itategemea na matokeo ya kesho(leo) katika Uganda na Burundi, lakini niseme tumeshatolewa, nawasifu wachezaji wangu wametoka kishujaa kwa kucheza na kupata ushindi mbele ya Kenya, “alisema Morocco.
Katika mchezo huo, mabao mawili kutoka kwa Suleiman Kassim ‘Selembe’ (pichani) na Mcha Khamis yalitosha kuipa Heroes ushindi huo wa kwanza wa kundi B, lakini ikiwa haina uhakika wa kupita katika kapu ya mshindwa bora ili kufuzu kucheza robo fainali.
Kenya ikiongoza msimamo wa kundi hilo ikiwa na pointi nne sawa na Burundi itakayoumana na Uganda leo, iliingia Uwanja wa Taifa wa Ethiopia mjini hapa ikiwaacha nyota wake wengi nje na Zanzibar ilitumia mwanya huo kuiadhiri.
Selembe alifunga bao la kwanza dakika moja kabla ya mapumziko kabla ya kupiga krosi tamu katika dakika ya 57 iliyounganishwa vema kimiani na Mcha Khamis na kuiandikia Zanzibar bao la pili.
Wakati Harambee ikitafuta mbinu za kurejesha mabao hayo, Selembe tena aliichambua safu ya ulinzi ya Kenya kabla ya kumtungua kipa wa timu hiyo kuandika bao la tatu wakati Kenya walipata bao la kufutia machozi kupitia kwa Jacob Keli, dakika ya 90.
Kutokana na matokeo hayo, Zanzibar Heroes ina pointi tatu sawa na Uganda na Ethiopia, ingawa uwiano wa mabao ya kufunga na kufungwa unaiweka Heroes katika nafasi ngumu ya kusonga mbele kama mshindwa bora.
Kilimanjaro Stars leo itawakabili wenyeji Ethiopia, lakini ikihitaji kushinda ili kuendelea kuongoza kundi lao.
Kocha mkuu wa kikosi hicho, Abdallah ‘King’ Kibadeni alisema licha ya kuwa wamefuzu, lakini mchezo wa leo lazima washinde ili kuendelea kuweka rekodi katika mashindano hayo.
Kili Stars imeshinda michezo miwili dhidi ya Somalia na Rwanda na inaongoza Kundi A.
“Tumekuja kwenye mashindano, hivyo hatutamwonea huruma yoyote, tunataka kushinda kila mchezo hadi tufike fainali na kuchukua ubingwa kwani Watanzania wametutuma ubingwa na si vinginevyo,” alisema Kibadeni.
Matokea mengine jana, Sudan Kusini iliichapa Malawi, timu mwalikwa mabao 2-0, wakati Sudan ikipata ushindi wa mabao 4-0 dhidi ya Djibouti ambayo kama Somalia imeaga bila ushindi wowote

Kesi ya UAMSHO – Risasi zafyatuliwa kuwatawanya ndugu wa masheikh

Dar es Salaam. Polisi waliokuwa wanawasindikiza washtakiwa wa kesi ya ugaidi katika Mahakama ya Hakimu Mkazi Kisutu, jana walilazimika kufyatua risasi hewani wakati wa kuwaingiza na kuwatoa mahakamani hapo.
Washtakiwa hao ambao ni viongozi na wafuasi wa Uamsho walikuwa wakisafirishwa katika basi la Magereza lililokuwa likisindikizwa magari aina ya Land Rover Defender zilizokuwa zimejaa askari wenye silaha na baadhi yao wamejifunga vitambaa vyeusi usoni.
Risasi hizo ziliwatawanya ndugu wa washtakiwa hao wanaofika na kukaa nje kila kesi hiyo inapotajwa walipotaka kusogelea msafara huo.
Washtakiwa hao ni Sheikh Farid Hadi Ahmed, mkazi wa Mbuyuni; Noorid Swalehe wa Fundi ujenzi , mkazi wa Koani na Jamal Nooridin Swalehe.
Wengine ni Nassoro Abdallah, Hassan Suleiman, Anthari Ahmed, Mohammed Yusuph, Abdallah Hassani, Hussein Ally na Juma Juma.
Wengine ni Saidi Ally, Hamisi Salum, Saidi Amour Salum, Abubakar Mngodo, Salum Ali Salum, Salum Amour Salum, Alawi Amir, Rashid Nyange, Amir Hamis Juma, Kassim Nassoro na Said Sharifu.
Inadaiwa kuwa kati ya Januari 2013 na Juni 2014 walipanga njama za kusaidia na kuwezesha kufanyika kwa vitendo vya kigaidi

POLISI WAMWAGWA WILAYANI MKURANGA

SIKU moja baada ya majibizano ya risasi kati ya askari na watu wanaodaiwa kuwa ni majambazi katika eneo la Vikindu wilaya ya Mkuranga katika mkoa wa Pwani, Jeshi la Polisi limetuma kikosi cha askari zaidi ya 80 kwenye operesheni maalumu katika maeneo ya Vikindu, Mkuranga na jirani kuwasaka majambazi.
Katika mapambano hayo yaliyodumu kwa saa saba katika Mtaa wa Vikindu Mashariki, Mkuranga, askari mmoja alipoteza maisha.
Akizungumzia operesheni inayoendelea ya kupambana na uhalifu katika maeneo hayo, Kamanda wa Kanda Maalumu ya Dar es Salaam, Kamishna Simon Sirro alisema operesheni hiyo ilianza tangu Alhamisi baada ya mauaji ya askari wanne waliokuwa wakilinda katika benki ya CRDB iliyopo Mbande katika Manispaa ya Temeke.
Alisema wamekuwa wakipokea taarifa nyingi kutoka kwa raia wema na wamezifanyia kazi, ikiwa ni pamoja na operesheni hiyo ya Vikindu ambayo imefanikisha kukamatwa kwa watu kadhaa na wengine kuuawa.
Kamishna Sirro alikataa kutaja idadi ya watu waliouawa na waliokamatwa, kwa madai kuwa operesheni hiyo inaendelea hivyo kutaja idadi yao ni sawa na kuvuruga utaratibu wa operesheni hiyo.
“Operesheni ninaposema sasa inaendelea mkiangalia pale chini kuna askari zaidi ya 80 wanaendelea kwenye misitu hiyo, kwa hiyo ninaposema operesheni inaendelea siwezi kusema nani kapata nini kwa wakati gani, naomba waandishi wa habari mnivumilie,” alisema Kamishna Sirro.
Alisema itakuwa ni jambo la kinyume cha taratibu za kazi kuwa kwenye operesheni huku akitoa taarifa, na kwamba operesheni hiyo imeanza tangu Alhamisi na kuahidi hadi kufikia Jumanne atakuwa na taarifa kamili kuhusu operesheni hiyo na ataitisha mkutano mwingine wa wanahabari ili kuwapa taarifa kamili.
Alisema kubwa zaidi wana Dar es Salaam, wanahitaji kuona silaha zilizoporwa kwa askari hao waliouawa zinarudi, ambapo alisema kutokana na msako huo silaha hizo zitarudi. “…Kuna mawili, unapoua unategemea nini, kwa hiyo kimsingi operesheni inaendelea vizuri kuna watu kadhaa wameuawa na watu kadhaa wamekamatwa, lakini nitawajulisha Jumanne kitu gani kimefanyika,” aliongeza.
Akijibu swali kuhusu ukubwa wa mapambano hayo hadi kutumwa kwa kikosi kikubwa cha askari wenye silaha, alisema mapambano yaliyoko huko ni ya kawaida, hasa kwa kuzingatia kwao mapambano ya silaha ni jambo la kawaida sana na hata kufa kwao kwa bunduki ni kawaida, kwa kuwa waliapa kufa kwa ajili ya hilo.
Operesheni hiyo itafanyika katika maeneo mbalimbali ya Vikindu, Pwani, Dar es Salaam na mikoa ya jirani kwa kuwa mtandao huo bado na kusisitiza kuwa Dar es Salaam ilizoea kuwa shwari hivyo ni lazima heshima yake irudi.
Tukio la kuuawa kwa askari mmoja katika tukio la Vikindu linafanya idadi ya askari waliouawa ndani ya wiki hii kufikia watano wakiwamo wanne waliouawa wakati wakipokezana lindo katika benki ya CRDB iliyopo Mbande, Dar es Salaam.
Katika hatua nyingine, Mwenyekiti wa Kijiji cha Vikindu Mashariki, Mohammed Maundu amekiri hakuwa na taarifa za kuishi na majambazi katika eneo lake mpaka aliposikia mirindimo ya risasi usiku wa Alhamisi. Aliifahamu nyumba waliokuwa wakiishi watuhumiwa hao waliokaa eneo hilo kwa muda wa miezi 36, lakini hakuwafahamu wapangaji wala mipango yao.
“Nakiri watu hawa waliishi katika eneo langu lakini sikuwafahamu.” Maundu alisisitiza Vikindu ni eneo linaloongezeka kwa haraka lakini ni vigumu kufahamu kila mtu anayeishi au kutembelea eneo hilo. Mkazi mmoja wa eneo hilo, anayemiliki duka kijijini hapo alitoa maoni tofauti, akisema watu hao walikuwa wateja wake wa kila siku lakini hakuwahi kuhisi kuwa wana malengo mabaya zaidi ya kuwaona kama marafiki.
Hata hivyo, mkazi huyo alikiri kuwa eneo hilo limekuwa na matukio ya uporaji wa mara kwa mara kwa sababu kijiji hicho kipo karibu na msitu wa Kongowe.
Inadaiwa kuwa msitu wa Kongowe ni makazi ya wahalifu. Chanzo cha kuaminika kilidai kuwa makundi ya wahalifu ambayo yako katika operesheni maalumu ya kulipiza visasi yamekuwa yakijificha katika msitu wa Mkuranga.
Mkazi mwingine anayeishi nyumba ya karibu, Rukia Mnende, alisema anamfahamu mmiliki wa nyumba waliokuwa wakiishi watuhumiwa hao wa ujambazi.
Alifafanua kuwa mmiliki wa nyumba alihamia wilaya ya Temeke, lakini hakuwafahamu waliopanga katika nyumba hiyo pamoja na kuishi katika nyumba hiyo miaka mitatu mpaka Ijumaa, yalipotokea mapigano kati ya polisi na watu hao.
Salum Mpili alisema watuhumiwa walikuwa wakitoka majira ya usiku tu, hivyo ilikuwa vigumu kuwafahamu. Tukio la juzi limewaacha bado wakazi wa eneo hilo katika hali ya hofu kubwa. Huku baadhi yao wakitaka vyombo vya dola kufanya upekuzi wa kina kuwafichua wahalifu zaidi ambao walikuwa wanageuza eneo hilo maficho yao

Whitedent Yasherehekea Miaka 25 kwa Mchezo wa Uzinduzi wa Bahati Nasibu ya Kushinda Gari.

 

 

RAIS DKT MAGUFULI AHUDHURIA MISA YA JUBILEI YA DHAHABU YA NDOA YA RAIS MSTAAFU BENJAMIN MKAPA NA ANNA MKAPA

 

  Rais wa Jamhuri ya Muungano wa Tanzania Dkt John Pombe Joseph Magufuli akisalimiana na Waziri Mkuu wa zamani Mhe Edward Lowassa wakati wa Misa ya Jubilei ya Dhahabu ya ndoa ya Rais Mstaafu Mhe Benjamin Mkapa na Mama Anna Mkapa katika kanisa la Mt. Petro jijini Dar es salaam leo Jumamosi Agosti 27, 2016

Rais wa Jamhuri ya Muungano wa Tanzania Dkt John Pombe Joseph Magufuli akisalimiana na Waziri Mkuu wa zamani Mhe Edward Lowassa wakati wa Misa ya Jubilei ya Dhahabu ya ndoa ya Rais Mstaafu Mhe Benjamin Mkapa na Mama Anna Mkapa katika kanisa la Mt. Petro jijini Dar es salaam leo Jumamosi.

 Paroko  akisimamia ukumbusho wa ahadi za ndoa wakati wa Misa ya Jubilei ya Dhahabu ya ndoa ya Rais Mstaafu Mhe Benjamin Mkapa na Mama Anna Mkapa katika kanisa la Mt. Petro jijini Dar es salaam leo Jumamosi

Rais Mstaafu Mhe Benjamin Mkapa na Mama Anna Mkapa wakipokea hati maalumu ya ndoa toka kwa   ASKOFU Mkuu wa Jimbo Kuu la Dar es Salaam, Mwadhama Polycarp Kardinali Pengo  wakati wa Misa ya Jubilei ya Dhahabu ya ndoa ya Rais Mstaafu Mhe Benjamin Mkapa na Mama Anna Mkapa katika kanisa la Mt. Petro jijini Dar es salaam leo Jumamosi 

Rais Mstaafu Mhe Benjamin Mkapa na Mama Anna Mkapa  wakikata keki  katika hafla ya chakula cha mchana waliyoandaa baada ya Misa ya Jubilei ya Dhahabu ya ndoa yao  katika kanisa la Mt. Petro jijini Dar es salaam leo Jumamosi

Rais Mstaafu Mhe Benjamin Mkapa akitoa shukurani  wakati wa Misa ya Jubilei ya Dhahabu ya ndoa yake na  na Mama Anna Mkapa katika kanisa la Mt. Petro jijini Dar es salaam leo Jumamosi

Rais wa Jamhuri ya Muungano wa Tanzania Dkt John Pombe Joseph Magufuli akitoa salamu zake za pongezi  wakati wa Misa ya Jubilei ya Dhahabu ya ndoa ya Rais Mstaafu Mhe Benjamin Mkapa na Mama Anna Mkapa katika kanisa la Mt. Petro jijini Dar es salaam leo Jumamosi

  Rais wa Jamhuri ya Muungano wa Tanzania Dkt John Pombe Joseph Magufuli katika picha ya pamoja viongozi wa dini na viongozi wastaafu na wake zao  wakati wa Misa ya Jubilei ya Dhahabu ya ndoa ya Rais Mstaafu Mhe Benjamin Mkapa na Mama Anna Mkapa katika kanisa la Mt. Petro jijini Dar es salaam leo Jumamosi

  Rais wa Jamhuri ya Muungano wa Tanzania Dkt John Pombe Joseph Magufuli katika picha ya pamoja viongozi wa dini na viongozi wastaafu na wake zao  wakati wa Misa ya Jubilei ya Dhahabu ya ndoa ya Rais Mstaafu Mhe Benjamin Mkapa na Mama Anna Mkapa katika kanisa la Mt. Petro jijini Dar es salaam leo Jumamosi

Katibu Mkuu wa CCM Ndg Abdulrahman Kinana akiteta jambo na Waziri Mkuu wa zamani Mhe Edward Lowassa wakati wa hafla ya chakula cha mchana baada ya Misa ya Jubilei ya Dhahabu ya ndoa ya Rais Mstaafu Mhe Benjamin Mkapa na Mama Anna Mkapa katika kanisa la Mt. Petro jijini Dar es salaam leo Jumamosi Agosti 27, 2016

KAMANDA SIRRO ATANGAZA KIAMA KWA WANANCHI WATAKAO ANDAMANA SEPTEMBA MOSI JIJINI DAR ES SALAAM

 Kamanda wa Polisi Kanda Maalumu ya Dar es Salaam, Kamishna wa Polisi (CP), Simon Sirro akizungumza katika mkutano na waandishi wa habari ofisini kwake Dar es Salaam leo, wakati akitangaza kiama kwa mwananchi yeyote atakayefanya maandamano Septemba Mosi ya kupinga udikiteta Tanzania yaliyoandaliwa na Chama cha Demokrasia na Maendeleo (Chadema). 

 Kamanda Sirro akisisitiza jambo kwenye mkutano huo.

 Magari ya polisi yenye zaidi ya askari 80 yakiondoka Kituo cha Polisi cha Kati, yakielekea Vikindu kwa ajili ya Operesheni saka majambazi.

Wanahabari wakichukua taarifa hiyo.

Askari wa kikosi maalumu cha kupambana na uhalifu wakiondoka Kituo Kikuu cha Polisi cha Kati kuelekea Vikindu kwa operesheni maalumu ya kuwasaka watu wanaotuhumiwa kwa ujambazi.

Na Dotto Mwaibale

KAMANDA wa Polisi Kanda Maalumu ya Dar es Salaam, Kamishna wa Polisi (CP), Simon Sirro ametangaza kiama kwa mwananchi yeyote atakayefanya maandamano Septemba Mosi ya kupinga udikiteta Tanzania yaliyoandaliwa na Chama cha Demokrasia na Maendeleo (Chadema)

“Jeshi la polisi mkoa wa Dar es Salaam tumejipanga vizuri siku hiyo nawaomba wananchi wasidhubuti kujitokeza kuandamana siku hiyo kwani watakiona cha moto” alisema CP Sirro.

Sirro alisema tayari jeshi hilo lina taarifa za kiinteligensia kuwa kuna vijana wanapewa fedha kwa ajili ya kuandamana na kufanya fujo Septemba mosi.  

Aliwasihi wananchi hasa vijana kutoingia barabarani Septemba mosi na kuwaachia wachache wenye nia ya kuletafujo.

“Ni rai yangu wale wananchi wazalendo wan chi hii wasiopenda kupambana na jeshi lao la polisi ambalo linawalinda na kulinda mali zao siku hiyo wasiingie barabarani,” alisema.

Aliwakaribisha wanao taka kuingia barabarani na kupambana na jeshi hilo na kuwa watakamatwa na kufikishwa kwenye mkono wa sheria.

“Sisi tupo vizuri na tupo imara hasa kwa wale wanaopenda kuvunja sheria kwa makusudi wata wajibika kwa mujibu wa sheria, hivyo suala la utiiwa sheria bila shuruti ni la msingi sana,” alisema Sirro.

Alisema jeshi hilo limejiandaa kwa wananchi wachache ambapo alibainisha  wananchi wengine hawana haja na maandamano hayo huku akibainisha vijana wachache wenye shida kupewa fedha na viongozi kwa lengo la kuandamana.

“Jiulize hiyo  40,000 unayo pewa kuingia barabarani na matokeo yake ukavunji kama mguu hiyo  40,000 ina thamani gani kwani… kwa hiyo mimi kama kiongozi wenu wa jeshi la polisi na sisitiza na ninaelekeza tuwaache wale wenye  sababu zao binafsi waingie barabarani,” alisema.

Katika hatua nyingine Kamanda Sirro alisema askari zaidi ya 80 wa kikosi maalumu cha kupambana na uhalifu wameondoka kwenda vikindu na maeneo mengine wilayani Mkuranga mkoani Pwani kufanya operesheni ya kuwasaka watu wanaodhaniwa kujihusisha na ujambazi.

(Imeandaliwa na mtandao wa www.habari za jamii.com

OLYMPIC RIO:MKENYA EZEKIEL KEMBOI APOKONYWA MEDALI

Bingwa wa mbio za mita 3000 kuruka viunzi na maji kutoka Kenya Ezekiel Kemboi amenyang'anywa medali yake ya shaba aliyoishinda mjini Rio de Janeiro, Brazil.

                         Kemboi alitwaa dhahabu Michezo ya Olimpiki ya London 2012 
Kemboi, 34, aliyemaliza wa tatu katika mbio hizo, alikuwa amepewa nishani ya shaba.
Lakini Ufaransa ilikataa rufaa baada ya kubainika kwamba mwanariadha huyo wakati mmoja, baada ya kuruka kiunzi na maji, alikanyaga nje ya mstari wakati akishiriki mbio hizo Jumatano.
Mfaransa Mahiedine Mekhissi, aliyemaliza nafasi ya nne, amepandishwa hadi nafasi ya tatu na kupewa nishani ya shaba.

Kemboi, aliyeshinda Olimpiki za London 2012 katika michezo ambayo Mahiedine Mekhissi-Benabbad alishinda fedha, tayari ametangaza kwamba atastaafu.
Mshindi wa mbio hizo za Rio alikuwa Mkenya Conseslus Kipruto ambaye pia aliweka rekodi mpya ya Olimpiki , muda wake ukiwa 8:03.28.

Mmarekani Evan Jager alimaliza wa pili muda wake ukiwa 8:04.28.
Muda wa Kemboi ulikuwa 8:08.47 na wa Mekhissi 8:11.52.

Dr KIGWANGALA ASHTUKIA SHIRIKA LILILOKUWA LIKICHOCHEA MAPENZI YA JINSIA MOJA

Yabainika walikuwa na mradi wa kuhamasisha mapenzi ya jinsia moja ukifadhiliwa na JHPIEGO

- Baadhi ya watendaji wa Asasi hiyo walikuwa kwenye asasi iliyofutiwa usajili ya "Sisi kwa Sisi"


Dkt. Kigwangalla, Naibu Waziri wa Afya, Maendeleo ya Jamii, jinsia, wazee na watoto Na Mbunge wa Jimbo la Nzega Vijijini, Leo jioni ameendesha Operesheni Maalum ya ukaguzi wa ofisi za shirika lisilo la kiserikali la Community Health Education Services and Advocacy (CHESA), ikiwa ni muendelezo wa vita ya uhamasishaji wa vitendo Vya mapenzi ya jinsia moja ulioanza kuota mizizi nchini.

Shirika la CHESA, pamoja na Mashirika mengine (sintoyataja hapa) yanasemwa kuwa yanaendesha shughuli ambazo hayakusajiliwa kufanya, ikiwemo tuhuma za kuhamasisha watu wanaofanya mapenzi ya jinsia moja kudai haki zao kupitia miradi yao na harakati nyingine mbalimbali.

Mashaka yametanda kwenye nchi nyingi Afrika, dunia ya waarabu na nchi zenye wakristo wa Katoliki kuhusiana na marafiki zetu wanaoruhusu mambo haya kwenye sheria, mila na desturi zao kuanzisha mikakati ya kichini chini ya kusambaza pesa kwenye vikundi mbalimbali vya kijamii na asasi zisizo za kiserikali ili kuwahudumia, kuwaunga mkono, kuwaunganisha, kuwatetea, kuwalinda, kuwawezesha, na kuhamasisha jitihada za siri sana na makini za kueneza mapenzi ya jinsia moja nchini. Pia kuhalalisha kama utamaduni Mpya kwa kisingizio cha "Haki za binadamu".

Tanzania imesaini International Bill of Rights (mkataba wa kimataifa wa Haki za binadamu) lakini kwenye mkataba huo Hakuna kipengele hata kimoja kinachoelezea uwepo wa Haki zinazodaiwa na kundi hili.

"Serikali itaendesha harakati nzito za uchunguzi wa pesa zote zinazoenda kwenye NGOs Na vikundi mbalimbali na kufuatilia pesa hizo zimeenda kufanya nini kwenye jamii," alisema Dkt. Kigwangalla.



"Nimewapa agizo wataalamu kutoka Wizara ya Afya, Maendeleo ya Jamii, Jinsia, Wazee na Watoto kushirikiana na jeshi letu la polisi kufanya kazi hiyo na kuyafikisha mahakamani Mashirika yote yatakayokutwa na hatia na pia kuchukua hatua ya kuyafutia usajili mashirika yote yatakayobainika kukiuka masharti ya usajili wao kwa mujibu wa sheria. Kwa mfano, 'coincidentally', tayari shirika hili litapaswa kutoa maelezo juu ya pesa lilizopokea kutoka shirika la kimataifa la JHPIEGO kutekeleza mradi wa SAUTI, ambao kwenye taarifa zake za mwaka limezificha. Mradi wa SAUTI unahudumia watu wanaofanya mapenzi ya jinsia moja" aliendelea kusema Dkt. Kigwangalla.



Shirika la CHESA kwenye usajili wake hakuna mahali linaeleza kwenye Katiba inayolianzisha kuwa litatoa huduma hizo. Na sababu ni rahisi, kwamba lisingeweka huduma hizo Kwa kuwa lisingesajiliwa.

Miaka ya hivi karibuni Serikali ilifuta usajili wa NGO moja iliyojulikana kama 'Sisi Kwa Sisi' Kwa tuhuma kama hizi. Kwenye uchunguzi huu, imebainika kuwa baadhi ya viongozi wa iliyokuwa Sisi Kwa Sisi ni waandamizi kwenye CHESA. Je, Sisi Kwa Sisi Siyo CHESA kwenye rangi nyingine?

TUNDU LISU MAHAKAMANI

Mwanasheria wa CHADEMA, Tundu Lissu amefikisha Mahakamani ya Kisutu saa 8. 46 huku mahakamani hapo kukiwa na ulinzi mkali.

Ulinzi umeimarishwa katika mahakamani hapo muda mrefu wakati wakimsubiria Lissu akitokea katika kituo cha polisi Kanda maalumu.

Polisi wapatao tisa baadhi ya wakiwa na silaha wametanda katika eneo la mbele la mahakama hiyo.

UVAAJI WA NGUO NDEFU NA SURUALI KWA MABINTI

Kwa kipindi kirefu nimejaribu kuwafuatilia wasichana wanaopenda kuvaa magauni au sekti ndefu katika karne hii ya ishirini na moja ili nijue kwamba wanavaa hivyo kutunza maadili ya Mwafrika au wana sababu zao nyingine...
Kwa wangu nimebaini kuwa zaidi ya asilimia sabini na tano ya wadada wanaovaa nguo ndefu na pia wanaovaa suruali wana usafiri mwembamba...

Orodha hii haijahusisha wa wale wanaovaa mavazi kulingana na imani zao... Imehushisha tu wale wanaovaa mavazi ya kawaida ambayo hayana muingiliano na imani yeyote...

huu pia ukaendelea kubaini kuwa wadada wenye guu za bia hupenda sana kuvaa visketi au magauni mafupi na kuanika miguu yao hadharani...

Sichochei uvaaji wa nguo fupi kwa mabinti tafadhali